ഓൺലൈൻ പഠന ഉപകരണം വിതരണം ചെയ്തു.
നിർധനരായ വിദ്യാർത്ഥികൾക്ക് കേരളീയം നൽകി വരുന്ന സഹായത്തിന്റെ ഭാഗമായി തിരുവനന്തപുരം പൊഴിയൂർ സ്വദേശിയായ സഞ്ജന എന്ന വിദ്യാർത്ഥിനിക്ക് ഓൺലൈൻ പഠനത്തിന് ആവശ്യമായ ഇലക്ട്രോണിക് ടാബ് ശ്രീ. ബാബു സെബാസ്റ്റ്യൻ നൽകുന്നു. സെക്രട്ടറി ജനറൽ എൻ. ആർ. ഹരികുമാർ, ആശ്രയ സൊസൈറ്റി അംഗങ്ങൾ എന്നിവർ സമീപം. തിരുവനന്തപുരം റീജിയണൽ കാൻസർ സെന്ററിൽ പ്രവർത്തിക്കുന്ന ആശ്രയ ചാരിറ്റബിൾ സൊസൈറ്റിയിൽ നിന്നും ലഭിച്ച അപേക്ഷ പരിഗണിച്ചാണ് രോഗബാധിതയായ വിദ്യാർത്ഥിനിക്ക് ടാബ് നൽകിയത്.
